పరమ శివుని వెయ్యి నామాలు మరియు వాని అర్ధాలు

శ్లోకం 1

Donate:

https://mydigitalnews.in/donate 

స్థిరః = సర్వకాలములందు నిలకడగా నుండువాడు,

స్థాణుః = చలనం లేనివాడు అనగా తాను చలించుటకు మరియెక స్థానంలేక అంతటా తానై విస్తరించినవాడు.

ప్రభుః = సమస్తమునకు అధిపతి,

భీమః = ప్రళయకాల భయమును కలుగజేయువాడు,

ప్రవరః = సర్వశ్రేష్టుడు,

వరదః = వరములనిచ్చువాడు,

సర్వాత్మా = సమస్తమైన ఆత్మలుతానే అయినవాడు,

సర్వవిఖ్యాతః = సర్వత్రా ప్రసిద్ధుడైనవాడు,

సర్వః = సమస్తము తానేఅయినవాడు,

సర్వకరః = సమస్తజగత్తులను చేయువాడు,

భవః = శివుని రూపంలో పుట్టినవాడు,

జటీ = జడలు ధరించినవాడు,

చర్మీ = వ్యాఘ్ర చర్మనును ధరించినవాడు,

శిఖండీ = శిఖలు ధరించినవాడు, నెమలి పింఛములను ధరించినవాడు,

సర్వాంగః = సమస్తమైన అవయవములతో పూర్ణమైనవాడు,

సర్వభావనః = సమస్త భావనల రూపమును తానే అయినవాడు.

శ్లోకం 2

హరః = సమస్త పాపములను హరించువాడు,

హరిణాక్షః = లేడికన్నులు వంటి కన్నులు కలవాడు,

సర్వభూతహరః = సమస్తప్రాణికోటిని హరించువాడు,

ప్రభుః = అధిపతి,

ప్రవృత్తిః = జీవనవిధానము తానే అయినవాడు,

నివృత్తిః = జీవనవిధాన నివారణము తానే అయినవాడు,

నియతః = నియమము యొక్క రూపము తానే అయినవాడు,

శాశ్వతః = నిత్యమైనవాడు

ధ్రువః = నిశ్వయ రూపము తానే అయినవాడు.

శ్లోకం 3

శ్మశానవాసీ = శ్మశానమునందు నివసించువాడు,

భగవాన్ = షడ్గుణ ఐశ్వర్యములు కలవాడు,

ఖచరః = ఆకాశమునందు సంచరించువాడు,

అగోచరః = కంటికి కనిపించనివాడు,

అర్దనః = తనలోనికి తీసుకొనువాడు,

అభివాద్యః = నమస్కరింప తగినవాడు,

మహాకర్మా = గొప్పదైన కర్మానుభవం తానేఅయినవాడు,

తపస్వీ = తపస్సుచేయువాడు,

భూతభావనః = ప్రాణికోటి భావన తానే అయినవాడు.

శ్లోకం 4

ఉన్మత్తవేష ప్రచ్ఛన్నః = పిచ్చివాని వేషంలో దాగియున్నవాడు,

సర్వలోక ప్రజాపతిః = సమస్తలోకములందలి ప్రజలను పాలించువాడు,

మహారూపః = గొప్పదైన ఆకారము కలవాడు,

మహాకాయః = గొప్పదైన శరీరము కలవాడు,

వృష రూపః = పుణ్య స్వరూపుడు,

మహాయశాః = గొప్ప కీర్తి కలవాడు.

శ్లోకం 5

మహాత్మా = గొప్పదైన ఆత్మయే తానైయున్నవాడు,

సర్వభూతాత్మా = సమస్త ప్రాణికోటి యొక్క ఆత్మల రూపం ధరించినవాడు,

విశ్వరూపః = సమస్త విశ్వము యొక్క రూపము తానే అయినవాడు,

మహాహనుః = గొప్ప దవడలు గలవాడు,

లోకపాలః = లోకములను పరిపాలించువాడు,

అంతర్హితాత్మా = అదృశ్యమైన ఆత్మలు తానే అయినవాడు,

ప్రసాదః = అనుగ్రహించువాడు,

నీల లోహితః = నీలమైన కంఠము, ఎరుపు వర్ణము జటలు కలవాడు.

శ్లోకం 6

పవిత్రం = పరిశుద్ధమైన,

మహాన్ = గొప్పవాడు,

నియమః = నియమం తన స్వరూపమైనవాడు,

నియమాశ్రితః = నియమములను ఆశ్రయించియుండువాడు,

సర్వకర్మా = సమస్తమైన కర్మములు తానే అయినవాడు,

స్వయం భూతః = తనంతట తానుగా పుట్టినవాడు,

ఆదిః = సృష్టికి అంతటికీ మొదటివాడు,

నిధిః = అన్నిటికి మూలస్థానమైనవాడు.

శ్లోకం 7

సహస్రాక్షః = అనేకమైన కన్నులు కలవాడు,

విశాలాక్షః = విశాలమైన కన్నులు కలవాడు,

సోమః = చంద్రుని వంటివాడు,

నక్షత్రసాధకః = నక్షత్రాలకు వెలుగును కలుగజేయువాడు,

చంద్రః = చంద్రుని వంటివాడు,

సూర్యః = సుర్యుని వంటివాడు,

శనిః = సూర్యుని కుమారుడైన శని వంటివాడు,

కేతుః = కేతుగ్రహరూపం తానేఅయినవాడు,

గ్రహపతిః = గ్రహములను పాలించువాడు,

వరః = శ్రేష్టుడు.

శ్లోకం 8

ఆది = మొదలు,

అంతః = చివర,

లయకర్తః = ప్రళయములను సృష్టించువాడు,

మృగబాణార్పణః = మృగమువంటి ఇంద్రియములపై బాణము ప్రయోగించినవాడు,

అనఘః = పాపరహితుడు,

మహాపాతః = గొప్ప తపస్సు చేసినవాడు,

ఘోరతపాః = భయంకరమైన తపస్సు చేసినవాడు,

అదీనః = ప్రాధేయపడు స్వభావము లేనివాడు,

దీన సాధకః = బాధలలో ఉన్నవారిని రక్షించువాడు.

శ్లోకం 9

సంవత్సర కరః = సంవత్సర కాలమును సృష్టించినవాడు,

మంత్రః = మంత్ర స్వరూపము తానే అయినవాడు,

ప్రమాణం = ప్రమాణ స్వరూపుడు,

పరమంతపః = మహా ఉత్కృష్టమైన తపస్సు తానే అయినవాడు,

యోగీ = యోగనిష్ఠ యందున్నవాడు,

యోజ్యః = సంయోజనము చేయుటకు తగినవాడు,

మహాబీజః = గొప్ప ఉత్పత్తి కారకమైనవాడు,

మహారేతః = గొప్ప వీర్యము కలవాడు,

మహాబలః = గొప్పశక్తి కలవాడు.

శ్లోకం 10

సువర్ణరేతాః = బంగారపు తేజస్సు కలవాడు,

సర్వజ్ఞః = సమస్తము తెలిసినవాడు,

సుబీజః = ఉత్తమమైన ఉత్పత్తి కారకుడు,

బీజవాహనః = సమస్త సృష్టి ఉత్పత్తి కారకములను తెచ్చి ఇచ్చువాడు,

దశబాహుః = పది భుజాలు కలవాడు,

అనిమిషః = రెప్పపాటు లేనివాడు,

నీలకంఠః = నల్లని కంఠము కలిగియున్నవాదు,

ఉమాపతిః = పార్వతి భర్త

శ్లోకము 11

విశ్వరూప = ప్రపంచ స్వరూపము తానే అయినవాడు

స్వయంశ్రేష్ఠః = తనంతట తానుగా ఉత్తముడైనవాడు

బలవీరః = బలము చేత పరాక్రమం కలవాడు

బలః = బలము కలవాడు

గణః = సమూహ స్వరూపమైనవాడు

గణకర్తా = ప్రమధాది గణములను సృష్టించువాడు

గణపతిః = ప్రమధాతి గణములకు అధిపతియైనవాడు

దిగ్వాసాః = దిక్కులు వస్త్రములుగా కలవాడు

కామః = కామము యొక్క స్వరూపము తానే అయినవాడు.

శ్లోకము 12

మంత్రవిత్ = మంత్రముల యొక్క మూలమును తెలిసినవాడు

పరమః = అందరికంటె ఉన్నతుడు

మంత్రః = మంత్ర స్వరూపము తానే అయినవాడు

సర్వభావకరః = సమస్తమైన మనస్సులను సృష్టించినవాడు

హరః = పాపములను హరించువాడు

కమండలుధరః = కమండలమును ధరించినవాడు

ధన్వీ = ధనుస్సు ధరించినవాడు

బాణహస్తః = చేతియందు బాణము ధరించినవాడు

కపాలవాన్ = కపాలమును చేత ధరించినవాడు

శ్లోకము 13

ఆశనిః = వజ్రాయుధము

శతఘ్నీ = శతఘ్ని అను ఆయుధమును ధరించినవాడు

ఖడ్గీ = ఖడ్గమును ధరించినవాడు

పట్టసీ = పట్టము అను పేరుగల ఆయుధమును చేతియందు ధరించినవాడు

ఆయుధీ = ఆయుధము కలవాడు

మహాన్ = గొప్పవాడు

స్రువహస్తః = హోమము చేసే పరికరమును చేత ధరించినవాడు

సురూపః = మంచి రూపము కలవాడు

తేజః = తేజము యొక్క స్వరూపము తానే అయినవాడు

తేజస్కరః = తేజస్సును కలుగజేయువాడు

నిధిః = ఐశ్వర్యమునకు మూల స్థానమైనవాడు

శ్లోకము 14

ఉష్ణీషీ = శిరస్త్రాణము కలవాడు

సువక్త్రః = మంచి ముఖము కలవాడు

ఉదగ్రః = అన్నిటికంటె ముందుండువాడు

వినతః = వినయము కలవాడు

దీర్ఘః = పొడవైనవాడు

హరికేశః = ఆకర్షణీయమైన కేశములు కలవాడు

సుతీర్థః = ఉత్తమమైన నదీ ఉదక స్వరూపమైనవాడు

కృష్ణః = నల్లని ఆకర్షణీయమైన స్వరూపము కలవాడు

శ్లోకము 15

సృగాలరూపః = నక్కయొక్క ఆకారము కలవాడు

సిద్ధార్థః = అన్ని ప్రయోజనాలను సాధించినవాడు

మృడః = భక్తులను ఆనందింపజేయువాడు

సర్వశుభంకరః = సమస్తమైన శుభములను కలుగజేయువాడు

అజః = పుట్టుక లేనివాడు

బహురూపః = అనేక విధాలైన రూపములు కలవాడు

గంగాధారీ = గంగను ధరించినవాడు

కపర్దీ = జటాజూటములు కలవాడు

శ్లోకము 16

ఊర్ధ్వరేతాః = ఊర్ధ్వముఖముగా ప్రవహించు రేతస్సు కలవాడు

ఊర్ధ్వలింగః = ఊర్ధ్వమైన లింగాకారము ధరించినవాడు

ఉర్ధ్వశాయీ = ఊర్ధ్వముగా నిద్రించువాడు

నభస్థలః = ఆకాస ప్రదేశమున ఉండువాడు

త్రిజటః = మూడు జడలు ప్రధానముగా కలవాడు

చీరవాసాః = నారచీరలు ధరించువాడు

రుద్రః = శత్రువులను దుఃఖపెట్టువాడు

సేనాపతిః = సైన్యమునకు అధిపతి

విభుః = అధిపతి

శ్లోకము 17

నక్తంచరః = రాత్రులందు సంచరించువాడు

అహశ్చరః = పగటియందు సంచరించువాడు

తిగ్మమన్యుః = తీక్షణమైన కోపము కలవాడు

సువర్చసః = మంచి కాంతి కలవాడు

గజహా = గజాసురుని చంపినవాడు

దైత్యహా = రాక్షసులను చంపినవాడు

కాలః = కాలము యొక్క స్వరూపమైనవాడు

లోకథాతా = లోకములను సృష్టించినవాడు

గుణాకరః = ఉత్తమ గుణములకు గనివంటివాడు

శ్లోకము 18

సింహశార్దూలరూపః = సింహము, పెద్దపులి రూపములలో ఉన్నవాడు

వ్యాఘ్రచర్మ అంబర ఆవృతః = పెద్దపులి చర్మమును వస్త్రముగా చుట్టుకొనియున్నవాడు

కాలయోగీ = కాలమును నియంత్రించినవాడు

మహానాథః = గొప్పవాడైన అధిపతి

సర్వకామః = సమస్తమైన కోరికల స్వరూపము తానే అయినవాడు

చతుష్పథః = అనేక మార్గముల కూడలి అయినవాడు

శ్లోకము 19

నిశాచరః = రాత్రులందు సంచరించువాడు

ప్రేతచారీ = ప్రేతభూతములయందు సంచరించువాడు

భూతచారీ = సర్వప్రాణులందు సంచరించువాడు

మహేశ్వరః = గొప్పవాడైన అధిపతి

బహుభూతః = అనేక రూపములలో ఉన్నవాడు

బహుధరః = అనేకమైన వాటిని ధరించువాడు

స్వర్భానుః = రాహురూపమున ఉన్నవాడు, స్వర్గమునకు వెలుగునిచ్చువాడు

అమితః = పరిమితి లేనివాడు

అగతిః = ఒకే విధమైన నడక లేనివాడు

శ్లోకము 20

నృత్యప్రియః = నాట్యములందు ప్రీతి కలవాడు

నిత్యనర్తః = ఎల్లప్పుడు నాట్యము చేయువాడు

నర్తకః = స్వయముగా నాట్యము చేయువాడు

సర్వలాలసః = అన్నిటియందు ఆసక్తి కలవాడు

మహాఘోరతపాః = గొప్పదైన కఠినమైన తపస్సు చేయువాడు

శూరః = పౌరుషము కలవాడు

నిత్యః = శాశ్వతమైనవాడు

అనీహః = కోరికలు లేనివాడు

నిరాలయః = స్థిరమైన గృహము లేనివాడు

శ్లోకము 21

సహస్రహస్తః = అనేకమైన (వేయి) హస్తములు కలవాడు

విజయః = విజయమును సాధించువాడు

వ్యవసాయః = ఎల్లప్పుడు ప్రయత్నము చేయువాడు

అతంద్రితః = తొట్రుపాటు లేనివాడు

అమర్షణః = దుష్టత్వమును కోపగించుకొనువాడు

మర్షణాత్మా = సహనముతో కూడిన ఆత్మకలవాడు

యజ్ఞహా = దక్షుని యజ్ఞమును నాశనము చేసినవాడు

కామనాశకః = మన్మథుని నశింపచేసినవాడు

శ్లోకము 22

దక్షయాగాపహారీ = దక్ష యజ్ఞమును నాశనము చేసినవాడు

సుసహః = మిక్కిలి సహనము కలవాడు

మధ్యమః = మధ్యేమార్గమున ఉండువాడు

తేజః అపహారీ = ఇతరుల తేజస్సును హరించువాడు

బలహా = ఇతరుల బలమును హరించువాడు

ముదితహా = ఎల్లప్పుడు సంతోషంతో ఉండువాడు

అర్ధః = ప్రయోజనము యొక్క రూపము ధరించువాడు

అజితః = జయింపబడనివాడు

వరః = అందరికంటే ఉత్తముడు

శ్లోకము 23

గంభీరఘోషః = గంభీరమైన కంఠధ్వని కలవాడు

గంభీరః = లోతైన స్వభావము కలవాడు

గంభీర బలవాహనః = పైకి కనిపించని బలమైన వాహనము కలవాడు

న్యగ్రోధరూపః = వటవృక్షము యొక్క రూపమైనవాడు

న్యగ్రోధః = తానే వటవృక్షమువలె వ్యాపించియుండువాడు

వృక్షకర్ణస్థితిః = చెట్టు యొక్క ఆకులపై నివసించువాడు

విభుః = సమస్తమునకు అధిపతి

శ్లోకము 24

సుతీక్షణ దశనః = మిక్కిలి పదునైన దంతములు కలవాడు

మహాకాయః = గొప్ప శరీరము కలవాడు

మహాననః = గొప్పదైన ముఖము కలవాడు

విశ్వక్సేనః = విష్ణుసేనాధిపతియైన విశ్వక్సేనుని రూపము తానే అయినవాడు

హరిః = విష్ణువే తానైనవాడు

యజ్ఞః = తానే యజ్ఞపురుషుడైనవాడు

సంయోగపీడ వాహనః = యుద్ధమందు బాధారహితమైన వాహనము కలవాడు

శ్లోకము 25

తీక్షణతాపః = తీక్షణమైన వేడిమి కలుగజేయువాడు

హర్యశ్వః = పచ్చని కాంతిగల గుర్రములు కలిగియున్న సూర్యునివంటివాడు

సహాయః = ఎల్లప్పుడు మనతో ఉండువాడు

కర్మకాలవిత్ = కర్మముల గురించియు, కాలముల గురించియు తెలిసినవాడు

విష్ణుప్రసాదితః = విష్ణువు యొక్క అనుగ్రహము పొందినవాడు

యజ్ఞః = యజ్ఞము యొక్క రూపము తానేఅయినవాడు

సముద్రః = సముద్రము యొక్క రూపము తానేఅయినవాడు

బడబాముఖః = సముద్ర గర్భమున ఉండు బడబాగ్ని రూపము తానే అయినవాడు

శ్లోకము 26

హుతాశన సహాయః = అగ్ని సహాయముగా కలవాడు

ప్రశాంతాత్మా = శాంతమైన ఆత్మ కలవాడు

హుతాశనః = తానే అగ్ని రూపమైయున్నవాడు

ఉగ్రతేజాః = తీవ్రమైన తేజస్సు కలవాడు

మహాతేజాః = గొప్పదైన తేజస్సు కలవాడు

జన్యః = సమస్త జంతువుల రూపము తానే అయినవాడు

విజయకాలవిత్ = విజయము పొందు కాలము తెలిసినవాడు

శ్లోకము 27

జ్యోతిషాం అయనం = నక్షత్రములకు మూలస్థానమైనవాడు

సిద్ధిః = కార్యసిద్ధి రూపము తానే అయినవాడు

సర్వవిగ్రహః = సమస్తమైన విగ్రహరూపములు తానే అయినవాడు

శిఖీ = శిఖలు కలవాడు

ముండీ = కేశరహితమైన శిరస్సు కలవాడు

జటీ = జడలు కలిగినవాడు

జ్వాలీ = అగ్నిజ్వాలా రూపమైనవాడు

మూర్తిజః = విశిష్టమైన ఆకారంతో పుట్టినవాడు

మూర్దగః = శిరస్సును పొందినవాడు

బలీ = బలము కలవాడు

శ్లోకము 28

వైష్ణవః = విష్ణుశక్తి కలిగినవాడు

ప్రజవీ = మిక్కిలి వేగము కలవాడు

తాళీ = సంగీత శాస్త్రము నందలి లయజ్ఞానము కలవాడు

ఖేళీ = మిక్కిలిగా నటించువాడు

కాలకటంకటః = యముని నియంత్రించువాడు

నక్షత్రవిగ్రహమతిః = నక్షత్రములు, గ్రహముల యొక్క జ్ఞానం కలవాడు

గుణబుద్ధిః = మంచి గుణములను గురించి తెలిసినవాడు

లయః = తానే ప్రళయరూపమై ఉన్నవాడు

అగమః = తేలికగా పొందుటకు వీలులేనివాడు

శ్లోకము 29

ప్రజాపతిః = సృష్టికర్తయైన బ్రహ్మ తానే అయినవాడు

విశ్వబాహుః = ప్రపంచమునే తన భుజములుగా కలవాడు

విభాగః = ప్రపంచం యొక్క భాగము తానే అయినవాడు

సర్వతోముఖః = అన్ని విషయములు బాగుగా తెలిసినవాడు

విమోచనః = విముక్తి కలుగజేయువాడు

సుసరణః = తేలికగా ప్రసరించువాడు

హిరణ్య కవచోద్భవః = బంగారు కవచముతో పుట్టినవాడు

శ్లోకము 30

మేఘజః = మేఘమునుండి పుట్టినవాడు

బలచారీ = బలముతో సంచరించువాడు

మహీచారీ = భూమియందు సంచరించువాడు

స్తుతః = స్తుతి చేయబడినవాడు

సర్వతూర్య వినోదీ = సమస్తమైన తూర్య వాద్యములచేత వినోదించువాడు

సర్వవాద్య పరిగ్రహః = సమస్త వాద్యములను ఉపయోగించువాడు.

శ్లోకము 31

వ్యాళరూపః = సర్ప రూపమున ఉండువాడు

గుహావాసీ = గుహలో నివసించువాడు

గ్రహమాలీ = గ్రహములన్నింటిని నడిపించువాడు

తరంగవిత్ = జీవన తరంగములను గూర్చిన జ్ఞానము కలవాడు

త్రిదశః = ఎల్లప్పుడు మూడు పదులు సంవత్సరముల వయస్సు కలవాడు

కాలదృక్ = సకాలమును బాగుగా గుర్తించువాడు

కర్మ సర్వబంధ విమోచనః = కర్మముల యొక్క సమస్త బంధముల నుండి విముక్తి కలిగించువాడు

శ్లోకము 32

అసురేంద్రాణాం బంధనం = రాక్షస శ్రేష్ఠుల యొక్క బంధనరూపం అయివున్నవాడు

యుధి శత్రు వినాశనః = యుద్ధమునందు శత్రువులను నశింపజేయువాడు

సాంఖ్యప్రసాదః = ఆత్మానాత్మ వివేకమును అనుగ్రహించువాడు

దూర్వాసాః = మేలిమి వస్త్రములు కాకపోయిననూ ధరించువాడు

సర్వసాధు నిషేవితః = సమస్తములైన ఉత్తములచే సేవించబడినవాడు

శ్లోకము 33.

ప్రస్కందః = శత్రువులను నశింపజేయువాడు

విభాగజ్ఞః = యజ్ఞ భాగములు తెలిసినవాడు

అతుల్యః = తనతో సమానుడు లేనివాడు

యజ్ఞభాగవిత్ = యజ్ఞమునందలి భాగములు (ఆహ్వానములు) తెలిసినవాడు

సర్వవాసః = సమస్తమును ధరించువాడు

సర్వచారీ = సమస్త ప్రదేశములందు చరించువాడు

దుర్వాసాః = మేలిమి వస్త్రములు కాకపోయినను ధరించువాడు

వాసవః = ఇంద్రుని రూపము తానై ఉన్నవాడు

అమరః = మరణము లేనివాడు

శ్లోకము 34

హైమః = బంగారు మయమైనవాడు

హేమకరః = బంగారమును చేయువాడు

యజ్ఞః = యజ్ఞపురుష రూపము తానేఅయినవాడు

సర్వధారీ = సమస్తమును ధరించువాడు

ధరోత్తమః = ప్రపంచమును ధరించువారిలో ఉత్తముడు

లోహితాక్షః = ఎర్రని వర్ణముకల కన్నులు కలవాడు

మహాక్షః = గొప్పదైన దృష్టి కలవాడు

విజయాక్షః = విజయముపై దృష్టి కలవాడు

విశారదః = బాగుగా తెలిసినవాడు

శ్లోకము 35

సంగ్రహః = మిక్కిలి గ్రహించువాడు

నిగ్రహః = ఆత్మనియంత్రణ కలిగినవాడు

కర్తా = సర్వకార్యములు చేయువాడు

సర్పచీర నివాసనః = పాము కుబుసము వస్త్రముగా ధరించువాడు

ముఖ్యః = ప్రధానమైనవాడు

అముఖ్యః = అప్రధానమైనవాడు; తనకంటె ఇతరమైన ప్రధానుడు లేనివాడు

కాహళిః = మ్రోగుచున్న వాద్యము తానే అయినవాడు

సర్వకామదః = సమస్తమైన కోరికలు ఇచ్చువాడు

శ్లోకము 36

సర్వకాల ప్రసాదః = సమస్త కాలములందు అనుగ్రహించువాడు

సుబలః = మంచి బలము కలవాడు

బలరూపభృత్ = బలమైన రూపము ధరించువాడు

సర్వకామప్రదః = సమస్తమైన కోరికలు విశేషముగ ఇచ్చువాడు

సర్వదః = సమస్తమును ఇచ్చువాడు

సర్వతోముఖః = అన్ని ప్రక్కల ముఖము కలవాడు

శ్లోకము 37

ఆకాశ నిర్విరూపః = ఆకాశమువలె రూపము లేనివాడు

నిపాతః = శీఘ్రముగా గమ్యస్థానము చేరువాడు

అవశః = ఒకరి అధీనమున లేనివాడు

ఖగః = పక్షివలె శీఘ్ర గమనము కలవాడు

రౌద్రరూపః = తీవ్రకోపముతో కూడిన రూపము కలవాడు

అంశుః = కిరణ రూపమైనవాడు

ఆదిత్యః = సూర్యుడు తానైయున్నవాడు

బహురశ్మిః = ఎక్కువ కాంతి (కిరణములు) కలవాడు

సువర్చసీ = మంచి కాంతి కలవాడు

శ్లోకము 38

వసువేగః = కిరణముల యొక్క వేగము కలవాడు

మహావేగః = గొప్ప వేగము కలవాడు

మనోవేగః = మనస్సు వంటి వేగము కలవాడు

నిశాచరః = రాత్రియందు సంచరించువాడు

సర్వవాసీ = సమస్త ప్రదేశములందు నివసించువాడు

శ్రియావాసీ = శ్రీ శోభతో నివసించువాడు

ఉపదేశకరః = ఉపదేశము చేయువాడు

అకరః = ఏమియు చేయనివాడు

శ్లోకము 39

మునిః = మౌనముగా ఉండువాడు

ఆత్మా = తానే అందరి ఆత్మ అయినవాడు

నిరాలోకః = దర్శనం లేనివాడు

సంభగ్నః = పలువిధములుగ విభజింప బడినవాడు

సహస్రదః = అనేకమైన వాటిని ఇచ్చువాడు

ప్లక్షీ = భూమి యందలి ప్లక్ష ద్వీపమున నివసించువాడు

ప్లక్షరూపః = జువ్వి చెట్టు యొక్క రూపము తానే అయినవాడు

అతిదీప్తః = మిక్కిలి ప్రకాశించువాడు

విశాంపతిః = మానవజాతి కంతటికీ అధిపతి

శ్లోకము 40

ఉన్మాదః = పిచ్చివాని వలె ఉన్నవాడు

మదనః = మన్మధరూపం తానైనవాడు

కామః = కోరికరూపము తానేఅయినవాడు

అశ్వత్థః = తానే రావిచెట్టు రూపమున ఉన్నవాడు

అర్థకరః = ప్రయోజనము సమకూర్చువాడు, సమస్త వస్తువులను సమకూర్చువాడు

యశః = కీర్తి రూపము తానే అయినవాడు

వామదేవః = ఎడమ భాగమునందు స్త్రీరూపము కలవడు

వామః = శ్రేష్టుడు

ప్రాక, దక్షిణ, ఉదజ్ఞ్ముఖః = తూర్పు, దక్షిణ, ఉత్తర ముఖములు కలవాడు

శ్లోకము 41

సిద్ధయోగీ = సిద్ధించిన యోగము కలవాడు 

మహర్షిః = ఋషులలో గొప్పవాడు 

సిద్ధార్థః = సిద్ధించిన ప్రయోజనము కలవాడు 

సిద్ధసాధకః = సిద్ధమగునట్లు సాధించువాడు 

భిక్షుః = భిక్షాటనము చేయువాడు 

భిక్షురూపః = భిక్షుకుల రూపమున ఉన్నవాడు 

విపణః = వస్తువుల క్రయవిక్రయములు చేయువాడు 

మృదుః = మెత్తనైనవాడు 

అవ్యయః = నాశము లేనివాడు 

శ్లోకము 42

మహాసేనః = గొప్ప సేన కలవాడు 

విశాఖః = కుమారస్వామి (సేనాపతి) తానే అయినవాడు 

షష్టిభాగః = కాలమును అరవై భాగములుగ విభజించినవాడు 

గవాంపతిః = గోవుల యొక్క పతి (వృషభము) తానే అయినవాడు 

వజ్రహస్తః = వజ్రాయుధము చేతియందు కలవాడు 

విస్రంభః = స్వేచ్ఛగా సంచరించువాడు 

చమూస్తంభః = సేనా సమూహమును నిరోధించువాడు 

శ్లోకము 43

వృత్తావృత్తకరః = వృత్తం (యుద్ధభూమిలో రథంతో మండలాకారం ఏర్పడటం), ఆవృత్తం (శత్రుసైన్యాన్ని నశింపజేసి ఎట్టి గాయం లేకుండా తిరిగిరావటం) రెంటిని నైపుణ్యంగా చేయువాడు 

తాలః = తాళ స్వరూపము తానే అయినవాడు 

మధుః = వసంత ఋతువు రూపము తానే అయినవాడు 

మధుకలోచనః = తుమ్మెదల వంటి నల్లని కనుపాపలు కలవాడు 

వాచస్పత్యః = వాగ్దేవి యొక్క భర్త అయిన బ్రహ్మ తానే అయినవాడు 

వాజసనః = శుక్ల యజుర్వేద శాఖా ప్రవర్తకుడు (వాజసనుడు) తానే అయినవాడు 

నిత్యం ఆశ్రిత పూజితః = ఎల్లప్పుడు తనను ఆశ్రయించిన వారిచేత పూజింపబడినవాడు 

శ్లోకము 44

బ్రహ్మచారీ = వేద మార్గమునందు సంచరించువాడు 

లోకచారీ = లోకమునందు సంచరించువాడు 

సర్వచారీ = సమస్త ప్రదేశములందు సంచరించువాడు 

విచారవిత్ = ఆలోచనా పరిజ్ఞానము కలవాదు 

ఈశానః = ఈశానుడు (శివుడు) 

ఈశ్వరః = ఐశ్వర్యము కలవాడు 

కాలః = మృత్యురూపము తానే అయినవాడు 

నిశాచారీ = రాత్రులందు సంచరించువాడు 

పినాకభృత్ = పినాకమను పేరుగల ధనుస్సును ధరించినవాడు 

శ్లోకము 45

నిమిత్తస్థః = ప్రకృతి సన్నివేశములందు ఉండువాడు 

నిమిత్తం = ప్రకృతి సన్నివేశములు తానే అయినవాడు 

నందిః = నందిరూపము తానే అయినవాడు 

నాందీకరః = ఆనందము కలుగజేయువాడు 

హరిః = విష్ణు రూపమైనవాడు 

నందీశ్వరః = వృషభరూపము తానే అయినవాడు 

నందీ = ఆనందరూపము తానే అయినవాడు 

నందనః = ఆనందము కలుగజేయువాడు 

నందివర్ధనః = ఆనంద స్థితిని వృద్ధి చేయువాడు 

శ్లోకము 46

భగహారీ = ఐశ్వర్యమును హరించువాడు 

నిహంతా = చంపువాడు 

కాలః = కాలరూపము తానే అయినవాడు 

బ్రహ్మా = సృష్టికర్తయైన బ్రహ్మ తానే అయినవాడు 

పితామహః = తానే బ్రహ్మ అయినవాడు 

చతుర్ముఖః = నాలుగు ముఖములు కలిగిన బ్రహ్మ తానే అయినవాడు 

మహాలింగః = గొప్పదైన లింగాకారమున ఉన్నవాడు 

చారులింగః = సుందరమైన లింగాకారమున ఉన్నవాడు 

శ్లోకము 47

లింగాధ్యక్షః = లింగాకారములన్నిటికి అధిపతి 

సురాధ్యక్షః = దేవతలకు అధిపతి 

యోగాధ్యక్షః = సమస్త యోగశాస్త్రమునకు అధిపతి 

యుగావహః = సమస్త కాలమును ఆవహించియుండువాడు 

బీజాధ్యక్షః = సృష్టియొక్క మూలమునకు అధిపతి 

బీజకర్తా = సృష్టియొక్క మూలమును కలుగజేయువాడు 

అధ్యాత్మానుగతః = ఆత్మజ్ఞానమును అనుసరించినవాడు 

బలః = బలరూపము తానే అయినవాడు 

శ్లోకము 48

ఇతిహాసః = పూర్వచరిత్ర కలవాడు 

సకల్పః = సృష్టితో మొదటి నుండియు కలసియున్నవాడు 

గౌతమః = గౌతమ ఋషి తానే అయినవాడు 

నిశాకరః = చంద్రుడు తానే అయినవాడు 

దంభః = మిక్కిలి అట్టహాసము కలిగినవాడు 

అదంభః = అట్టహాసము లేనివాడు 

వైదంభః = దంభము లేనివాడు

వశ్యః = భక్తులకు అధీనుడైనవాడు

వశకరః = ఆకర్షణ గుణము కలవాడు

కలిః = కలి పురుషుడు తానే అయినవాడు

శ్లోకము 49

లోకకర్తా = లోకమును నడిపించువాడు

పశుపతిః = నరరూపములో ఉన్న జంతువులకు అధిపతి

మహాకర్తా = గొప్పవాడై లోకములను నడిపించువాడ

అనౌషధః = ఔషధములు అక్కరలేనివాడ

అక్షరం = నాశములేని

పరమం = శ్రేష్టమైన

బ్రహ్మ = జగత్తునకు మూలమైన బ్రహ్మ పదార్ధము తానే అయినవాడ

బలవాన్ = బలము కలవాడు

శక్తః = సమర్థుడైనవాడు

శ్లోకము 50

నీతిః = నియమ (ధర్మ) శాస్త్రము తానే అయినవాడు

అనీతిః = నియమము లేనివాడు

శుద్ధాత్మా = పరిశుద్ధమైన ఆత్మ కలవాడు

శుద్ధః = పరిశుద్ధమైన; శుచియైనవాడు

మాన్యః = గౌరవింప తగినవాడు

గతాగతః = జరిగినది, జరుగబోవునది తానే అయినవాడు

బహుప్రసాదః = మిక్కిలి అనుగ్రహము కలవాడు

సుస్వప్నః = మంచి కలగా కనిపించువాడు

దర్పణః = ప్రకృతియొక్క ప్రతిబింబము చూపించువాడు

అమిత్రజిత్ = శత్రువులను జయించినవాడు

శ్లోకము 51

వేదకారః = వేదములను తెలియపరచినవాడు

మంత్రకారః = మంత్రములను తెలిపినవాడు

విద్వాన్ = అన్ని విషయములు తెలిసినవాడు

సమరమర్దనః = యుద్ధమునందు శత్రువులను నాశనము చేయువాడు

మహామేఘనివాసీ = గొప్పదైన మేఘమండలములో నివసించువాడు

మహాఘోరః = గొప్ప భయంకరమైనవాడు

వశీకరః = అందరను ఆకర్షించువాడు

శ్లోకము 52

అగ్నిజ్వోలః = అగ్ని యొక్క జ్వాలయే తానైనవాడు

మహాజ్వాలః = గొప్పదైన మంట యొక్క ఆకారము తానైనవాడు

అతిధూమ్రః = మిక్కిలి ధూమ్రవర్ణము (నలుపు, ఎరుపు కలసియున్న రంగు) పొగవర్ణములో ఉన్నవాడు

హుతః = అగ్నిలో హోమము చేయబడిన ద్రవ్యము తానైనవాడు

హవిః = హోమము చేయుటకు ఉపయోగింపబడు ద్రవ్యము తానైనవాడు

వృషభః = వాహనమగు ఎద్దు రూపము తానైనవాడు

శంకరః = సుఖమును కలుగజేయువాడు

నిత్యంవర్చస్వీ = ఎల్లప్పుడు వర్చస్సు కలవాడు

ధూమకేతనః = ధూమవర్ణము కల జెండా కలవాడు

శ్లోకము 53

నీలః = నల్లనైనవాడు

అంగలుబ్ధః = మన్మథుని యందు ఆసక్తి కలవాడు

శోభనః = శుభములను కలుగజేయువాడు

నిరవగ్రహః = ప్రతిబంధములు లేనివాడు

స్వస్తిదః = శుభములను ఇచ్చువాడు

స్వస్తిభావః = శుభమైన భావములు కలవాడు

భాగీ = యజ్ఞభాగములను కలిగినవాడు

భాగకరః = విభాగములు చేయువాడు

లఘుః = తేలిక అయినవాడు.

శ్లోకము 54

ఉత్సంగః = అందరకును ఒడియై ఉండువాడు

మహాంగః = గొప్పనైన అవయవములు కలవాడు

మహాగర్భపరాయణః = తన గర్భస్థులను జాగ్రత్తగా చూచుకొనువాడు

కృష్ణవర్ణః = నల్లని వర్ణము కలవాడు

సువర్ణః = బంగారు వర్ణము కలవాడు; బంగారం తానే అయినవాడు

సర్వదేహినాం ఇంద్రియం = సమస్త ప్రాణులకు ప్రధానమైన అవయవము వంటివాడు

శ్లోకము 55

మహాపాదః = విస్తారమైన పాదములు కలవాడు

మహాహస్తః = గొప్పనైన చేతులు కలవాడు

మహాకాయః = గొప్ప శరీరము కలవాడు

మహాయశాః = గొప్ప కీర్తి కలవాడు

మహమూర్ధాః = గొప్ప శిరస్సు కలవాడు

మహామాత్రః = గొప్ప పరిమాణము కలవాడు

మహానేత్రః = గొప్పవైన నేత్రములు కలవాడు

నిశాలయః = రాత్రి నివాసముగా కలవాడు

శ్లోకము 56

మహాంతకః = గొప్పవాడైన నాశకుడు

మహాకర్ణః = గొప్పవైన చెవులు కలవాడు

మహోష్ణః = గొప్ప వృషభము కలవాడు

మహాహనుః = గొప్ప దవడలు కలవాడు

మహానాసః = గొప్ప ముక్కు కలవాడు

మహాకంబుః = గొప్ప శంఖము వంటివాడు

మహాగ్రీవః = గొప్ప ముఖము కలవాడు

శ్మశానభాక్ = స్మశానములో ఉండువాడు

శ్లోకము 57

మహావక్షాః = గొప్పదైన వక్షస్థలము కలవాడు

మహోరస్కః = గొప్పదైన హృదయము కలవాడు

అంతరాత్మా = ఆత్మ యొక్క లోపలి భాగము అయినవాడు

మృగాలయః = సామాన్య జంతువులకు నిలయమైనవాడు

లంబనః = అందరకును పట్టుకొమ్మ అయినవాడు

లంబితోష్ఠః = నోరు తెరచి ఉన్నవాడు; వ్రేలాడుచున్న పెదవులు కలవాడు

మహామాయః = గొప్ప మాయ కలిగినవాడు

పయోనిధిః = సముద్రుని వంటివాడు

శ్లోకము 58

మహాదంతః = గొప్పవైన దంతములు కలవాడు

మహాదంష్ట్రః = గొప్పవైన కోరలు కలవాడు

మహాజిహ్వః = గొప్పదైన నాలుక కలవాడు

మహాముఖః = గొప్పదైన ముఖము కలవాడు

మహానఖః = గొప్పవైన గోళ్ళు కలవాడు

మహారోమః = గొప్పవైన వెండ్రుకలు కలవాడు

మహాకేశః = గొప్పవైన తలవెండ్రుకలు కలవాడు

మహాజటః = గొప్పవైన జడలు కలవాడు

శ్లోకము 59

ప్రసన్నః = అనుగ్రహించువాడు

ప్రసాదః = అనుగ్రహరూపము కలవాడు

ప్రత్యయః = విశ్వాసము తానే అయినవాడు

గిరిసాధనః = కొండలను సాధించువాడు

స్నేహనః = స్నేహము కలవాడు

అస్నేహనః = శత్రుత్వము తానే అయినవాడు

అజితః = జయింపబడనివాడు

మహామునిః = గొప్ప మౌనము కలవాడు

శ్లోకము 60

వృక్షాకారః = వృక్షము యొక్క ఆకారము కలవాడు

వృక్షకేతుః = వృక్షము తన జెండాగా కలిగినవాడు

అనలః = అగ్ని ఆకారము తానే అయినవాడు

వాయువాహనః = వాయువు వాహనముగ కలవాడు

గండలీ = గుహలో నివసించువాడు

మేరుధామా = బంగారు కొండ నివాసముగా కలవాడు

దేవాధిపతిః = దేవతలకు అధిపతి అయినవాడు

శ్లోకము 61

అధర్వ శీర్షః = అధర్వణ వేదము శిరస్సుగా కలవాడు

సామాస్యః = సామ వేదము ముఖముగా కలవాడు

ఋక్సహస్రామితేక్షణః = ఋగ్వేదమును పరిమితిలేని కన్నులుగా కలవాడు

యజుఃపాదభుజః = యజుర్వేదము పాదములు, భుజములుగా కలవాడు

గుహ్యః = రహస్యమైనవాడు

ప్రకాశః = అందరకును వెలుగు రూపమున బహిరంగమైనవాడు

జంగమః = కదలిక కలిగినవాడు

శ్లోకము 62

అమోఘార్థః = వ్యర్ధము కాని ప్రయోజనము కలవాడు

ప్రసాదః = అనుగ్రహించువాడు

అభిగమ్యః = అందరికి సులభముగా పొందతగినవాడు

సుదర్శనః = అందరకు సులభముగా (దర్శనము) కనిపించువాడు

ఉపకారప్రియః = ఉపకారము చేయుటయందు ప్రీతి కలవాడు

సర్వః = సమస్తమునందు వ్యాపించియుండువాడు

కనకః = బంగారము తానే అయినవాడు

కాంచనచ్ఛవిః = బంగారపు కాంతి కలవాడు

శ్లోకము 63

నాభిః = ప్రపంచమునకు నాభిస్థానము వంటివాడు

నందికరః = ఆనందము కలుగజేయువాడు

భావః = అందరి మనస్సు తానైనవాడు

పుష్కరః = అన్ని నదులను పవిత్రము చేయువాడు

స్థపతిః = దేవాలయ నిర్మాణశాస్త్రము తెలిసినవాడు

స్థిరః = స్థిరమైనవాడు

ద్వాదశః = ద్వాదశ రూపములు కలవాడు

త్రాసనః = భయమును కలుగజేయువాడు

ఆద్యః = ఆదియైనవాడు

యజ్ఞః = యజ్ఞపురుషుడు తానే అయినవాడు

యజ్ఞసమాహితః = యజ్ఞము అనే కర్మతో కూడియుండువాడు

శ్లోకము 64

నక్తం = రాత్రి రూపమైనవాడు

కలిః = కలి పురుషుడు తానే అయినవాడు

కాలః = కాలపురుషుని రూపము తానే అయినవాడు

మకరః = మొసలి రూపము తానే అయినవాడు

కాలపూజితః = కాలము (కాలుని) చేత పూజింపబడినవాడు

సగణః = గణములతో కూడినవాడు

గణకారః = సైన్య సమూహములను సృష్టిచేయువాడు

భూతవాహనసారథిః = ప్రాణుల యొక్క వాహనములను నడిపించువాడు

శ్లోకము 65

భస్మాశయః = భస్మము (బూడిద) ను ఎల్లప్పుడు ధరించువాడు

భస్మగోప్తా = భస్మమును ధరించిన వారిని రక్షించువాడు

భస్మభూతః = భస్మరూపమును ధరించినవాడు

తరుః = జీవులను తరింపజేయువాడు

గుణః = మంచి గుణము కలవాడు

లోకపాలః = లోకములను పరిపాలించువాడు

లోకః = తానే లోకములైనవాడు

మహాత్మా = ఆత్మస్వరూపం తానే అయినవాడు; గొప్పదైన ఆత్మ కలవాడు

సర్వపూజితః = అందరిచే పూజింపబడువాడు

శ్లోకము 66

శుక్లః = శుద్ధ స్వరూపము తానే అయినవాడు

త్రిశుక్లః = త్రికరణములచే శుద్ధుడు

సంపన్నః = సంపూర్ణ సంపదలచే కూడియున్నవాడు

శుచిః = శుచియైనవాడు; అగ్ని రూపములో ఉన్నవాడు

భూత నిషేవితః = ప్రాణుల చేత సేవింపబడినవాడు

ఆశ్రమస్థః = ఆశ్రమమున నివసించువాడు

క్రియావస్థః = కర్మలతోను వాటి పరిస్థితులతోను కూడియున్నవాడు

విశ్వకర్మమతిః = ప్రపంచమందలి కర్మములను గురించి బాగుగా తెలిసినవాడు

వరః = శ్రేష్ఠుడు.

శ్లోకము 67

విశాలశాఖః = అనేకమైన విజ్ఞాన శాస్త్ర శాఖలు తెలిసినవాడు

తామ్రోష్ఠః = తామ్ర+ఓష్ఠ అనగా ఎర్రనైన పెదవులు కలవాడు

అంబుజాలః = సముద్ర రూపమైనవాడు

సునిశ్చలః = మిక్కిలి చలనము లేకుండ ఉండువాడు

కపిలః = నల్లనివాడు

కపిశః = వానరరూపము అనగా నలుపు, పసుపు వర్ణములు కూడియున్నవాడు

శుక్లః = తెల్లనైనవాడు

ఆయుః = మానవుల ఆయువు రూపము తానే అయినవాడు

పరః = ఉత్కృష్టమైనవాడు

అపరః = తనతో సమానమైన ఇతరులు లేనివాడు

శ్లోకము 68

గంధర్వః = దేవతలలో గంధర్వులను ఒక జాతికి చెందినవాడు

అదితిః = అదితి సంతానమైనవాడు

తార్ క్ష్యః = గరుడుని రూపము తానే అయినవాడు

సువిజ్ఞేయః = బాగుగా తెలియదగినవాడు

సుశారదః = మంచి పండితుడు

పరశ్వధాయుధః = పరశువు (గండ్ర గొడ్డలి) ఆయుధంగా కలవాడు

దేవః = దేవుడైనవాడు

అనుకారీ = అనుసరించి పోవువాడు

సుబాంధవః = మంచి బంధువైనవాడు

శ్లోకము 69

తుంబవీణః = పెద్దదైన వీణ కలవాడు

మహాక్రోధః = మిక్కిలి కోపం కలవాడు

ఊర్ధ్వరేతా = ఊర్ధ్వముగా ప్రవహించు రేతస్సు కలవాడు

జలేశయః = జలమునందు శయనించువాడు

ఉగ్రః = తీక్షణమైనవాడు

వంశకరః = వంశమును వృద్ధిచేయువాడు

వంశః = తానే వంశమును ఏర్పాటు చేసినవాడు

వంశనాదః = వెదురులోని నాదం తానే అయినవాడు

అనిందితః = నింద లేనివాడు

శ్లోకము 70

సర్వాంగరూపః = సమస్త అవయవ రూపము కలవాడు

మాయావీ = మాయ చేయువాడు

సుహృదః = మంచి స్నేహితుడు

అనిలః = వాయు రూపమైనవాడు

అనలః = అగ్ని రూపమైనవాడు

బంధనః = బంధించువాడు

బంధకర్తా = బంధమును కలుజేయువాడు

సుబంధ విమోచనః = బాగుగా బంధముల నుండి విముక్తి కలిగించువాడు

శ్లోకము 71

సయజ్ఞారిః = యజ్ఞశత్రువుతో కూడియుండువాడు

సకామారిః = మన్మధుని శత్రువుతో కూడియుండువాడు

మహాదంష్ట్రః = గొప్ప దంతములు కలవాడు

మహాయుధః = గొప్పదైన ఆయుధము కలవాడు

బహుధా నిందితః = అనేక విధముల నిందింపబడినవాడు

సర్వః = సమస్తము తానే అయినవాడు

శంకరః = సుఖమును కలుగజేయువాడు

చంద్రశేఖరః = చంద్రుని శిరస్సునందు కలవాడు

శ్లోకము 72

అమరేశః = దేవతలకు అధిపతి అయినవాడు

మహాదేవః = దేవతలలో గొప్పవాడు

విశ్వదేవః = ప్రపంచమునకు దేవుడు

సురారిహా = దేవతల శత్రువులను చంపినవాడు

అహిర్భుధ్న్యః = నాగాభరణం కలవాడు

అనిలాభః = గాలివంటి వాడు

చేకితానః = సర్వజ్ఞుడు; అత్యంత జ్ఞానయుక్తుడు

హరిః = తానే విష్ణురూపమైనవాడు

శ్లోకము 73

అజైకపాత్ = విష్ణువు ముఖ్యమైన పాదముగా కలవాడు

కాపాలీ = కపాలమును ధరించినవాడు

త్రిశంకుః = త్రిశంకువను రాజు తానే అయినవాడు

అజితః = జయింపబడనివాడు

శివః = భద్రమైనవాడు

ధన్వంతరిః = దేవ వైద్యుడైన ధన్వంతరి యొక్క రూపం తానే అయినవాడు

ధూమకేతుః = గణపతి తానైనవాడు

స్కందః = కుమారస్వామి తానైనవాడు

వైశ్రవణః = కుబేరుడు తానే అయినవాడు

శ్లోకము 74

ధాతా = బ్రహ్మ తానే అయినవాడు

శక్రః = ఇంద్రుడు తానే అయినవాడు

విష్ణుః = విష్ణువు తానే అయినవాడు

మిత్రః = సూర్యుడు తానే అయినవాడు

త్వష్టా = బ్రహ్మ తానే అయినవాడు

ధ్రువః = ధ్రువుడు తానే అయినవాడు

ధరః = ప్రపంచమును ధరించినవాడు

ప్రభావః = గొప్ప పుట్టుక కలవాడు

సర్వగః = అన్నింటియందు ఉండువాడు

వాయుః = వాయు రూపము తానే అయినవాడు

అర్యమా, సవితా = సూర్యుని రూపము తానే అయినవాడు

రవిః = సూర్యుడు తానే అయినవాడు

శ్లోకము 75

ఉషంగుః = ఉషస్సును కలుగజేయు సూర్యుని రూపము తానే అయినవాడు

విధాతా = బ్రహ్మ తానే అయినవాడు

మాంధాతా = సృష్టికి ఆదియందు గల మాంధాత అనే రాజు తానే అయినవాడు

భూతభావనః = ప్రాణుల యొక్క క్షేమమును గూర్చి ఆలోచించువాడు

విభుః = అధిపతి అయినవాడు

వర్ణవిభావీ = వర్ణముల యొక్క విశేషములను గూర్చి భావించువాడు

సర్వకామగుణావహః = సమస్తమైన కోరికల గుణములను ఆవహించి యుండువాడు

శ్లోకము 76

పద్మనాభః = పద్మము నాభియందు గల విష్ణువు తానే అయినవాడు

మహాగర్భ = గొప్పదైన గర్భము కలవాడు

చంద్రవక్తః = చంద్రునివంటి ముఖము కలవాడు

అనిలః = వాయువు తానే అయినవాడు

అనలః = అగ్ని రూపము తానే అయినవాడు

బలవాన్ = మిక్కిలి బలము కలవాడు

ఉపశాంతః = మిక్కిలిగా శాంతించువాడు

పురాణః = ప్రాచీనుడు

పుణ్యచంచురీ = పుణ్యము చేత ప్రసిద్ధమైన వాడు.

శ్లోకము 77

కురుకర్తా = కురుక్షేత్రమును సృష్టించినవాడు,

కురువాసీ = కురు భూముల యందు నివసించువాడు

కురుభూతః = కురు భూములందు పుట్టినవాడు

గుణౌషధః = మంచి గుణములు ఔషధములుగా కలవాడు

సర్వాశయః = సమస్తమైన అభిప్రాయములు తానే అయినవాడు

గర్భచారీ = సమస్త గర్భములందు సంచరించువాడు

సర్వేషాం ప్రాణీనాం పతిః = సమస్తమైన ప్రాణులకు అధిపతి అయినవాడు.

శ్లోకము 78

దేవదేవః = దేవతలకు దేవుడైనవాడు

సుఖాసక్తః = సుఖమునందు ఆసక్తి కలవాడు

సదసత్ సర్వరత్నవిత్ = మంచి చెండు అను సమస్తమైన రత్నముల యొక్క జ్ఞానము కలవాడు

కైలాసగిరివాసీ = కైలాస పర్వతమునందు నివసించువాడు

హిమవత్ గిరి సంశ్రయః = హిమవత్ పర్వతమునందు నివసించువాడు.

శ్లోకము 79

కూలహారీ = ప్రవాహరూపములో నదుల దరులను కూల్చువాడు

కులకర్తా = పుష్కరము మొదలైన పెద్ద సరస్సులను నిర్మించువాడు.

బహువిద్యః = అనేకమైన విద్యలు కలవాడు

బహుప్రదః = అనేకములు ఇచ్చువాడు

వణిజః వ్యాపారమునకు మూలపురుషుడు

వర్ధకీ = వృద్ధి పొందినవాడు

వృక్షః = వృక్షము తానే అయినవాడు

వకుళః = పొగడ చెట్టు తానే అయినవాడు

చందనచ్ఛదః = చందనము యొక్క మైపూత కలవాడు.

శ్లోకము 80

సారగ్రీవః = బలముతో కూడిన కంఠము కలవాడు

మహాశత్రుః = గొప్పవారైన శత్రువులు కలవాడు

అలోలః = ఆసక్తి లేనివాడు

మహౌషధః = గొప్ప ఔషధము వంటివాడు

సిద్ధార్థకారీ = అర్థసిద్ధిని కలుగజేయువాడు

సిద్ధార్థః = ప్రయోజనముల సిద్ధిని పొందినవాడు

ఛందో వ్యాకరణోత్తరః = ఛందస్సు, వ్యాకరణములను బాగుగా పఠించినవాడు.

శ్లోకము 81

సింహనాదః = సింహము వంటి కంథధ్వని కలవాడు

సింహదంష్ట్రః = సింహము యొక్క దంతముల వంటి దంతములు కలవాడు

సింహగః = సింహమును అతన అధీనమున నడిపించువాడు

సింహవాహనః = సింహము వాహనముగా కలవాడు

ప్రభావాత్మా = ప్రభావము కలిగిన ఆత్మ కలవాడు

జగత్కాలః = ప్రపంచము యొక్క కాలము తానే అయినవాడు

కాలః = కాల స్వరూపుడు

లోకహితః = లోకమునకు ఇష్టుడైనవాడు

తరుః = వృక్షరూపము తానే అయినవాడు.

శ్లోకము 82

సారంగః = ప్రచండ దీప్తిమంతుడు

నవచక్రాంగః = నూతనమైన రథమువంటివాడు

కేతుమాలీ = విజయధ్వజముల సమూహము కలవాడు

సభావనః = భావనతో కూడియున్నవాడు

భూతాలయః = సమస్త ప్రాణులకు నిలయమైనవాడు

భూతపతిః = సమస్త ప్రాణులకు అధిపతి

అహోరాత్రం అనిందితః = రాత్రింబవళ్ళు అంతయు నింద లేనివాడు.

శ్లోకము 83

వర్ధితః = బాగుగా అభివృద్ధి చెందినవాడు

సర్వభూతానాం = సమస్త ప్రాణులకు

నిలయః = స్థానమైనవాడు

విభుః = అధిపతి

భవః = పుట్టుక స్థానమైనవాడు

అమోఘః = వ్యర్థము లేనివాడు

సంయతః = నియమ బద్ధుడైనవాడు

అశ్వః = గుఱ్ఱము వలె వేగము కలవాడు

భోజనః = బాగుగా భుజించువాడు

ప్రాణధారణః = సమస్త ప్రాణములను ధరించువాడు.

శ్లోకము 84

ధృతిమాన్ = ధైర్యము కలవాడు

మతిమాన్ = బుద్ధిమంతుడు

దక్షః = సమర్ధుడు

సత్కృతః = బాగుగా సత్కరింపబడినవాడు

యుగాధిపః = యుగమునకు అధిపతి

గోపాలీ = గోవులను రక్షించువాడు

గోపతిః = వృషభము వంటివాడు

గ్రామః = జననివాసముల యొక్క సమూహము తానే అయినవాడు

గోచర్మవసనః = గోవు యొక్క చర్మమును ధరించువాడు

హరిః = విష్ణువు యొక్క రూపము తానే అయినవాడు

శ్లోకము 85

హిరణ్యబాహుః = బంగారు భుజములు కలవాడు

గుహాపాలః = గుహలను రక్షించువాడు

ప్రవేశకః = గుహలను ప్రవేశించువాడు

ప్రకృష్టారిః = తీవ్రమైన శత్రువులు కలవాడు

మహాహర్షః = గొప్ప సంతోషము కలవాడు

జితకామః = కామమును జయించినవాడు

జితేంద్రియః = జయింపబడిన ఇంద్రియములు కలవాడు.

శ్లోకము 86

గాంధారః = గాంధారము (సంగీతము) తానే అయినవాడు

సువాసః = మంచి వస్త్రములు కలవాడు

తపస్సక్తః = తపస్సునందు లగ్నమైనవాడు

రతిః = కామిని యొక్క ఆకారము తానే అయినవాడు

నరః = సామాన్య మానవరూపము తానే అయినవాడు

మహాగీతః = గొప్ప గానము కలవాడు

మహానృత్యః = గొప్ప నాట్యము చేయువాడు

అప్సరసోగణసేవితః = అప్సరసల సమూహము చేత సేవింపబడినవాడు

శ్లోకము 87

మహాకేతుః = గొప్ప ధ్వజ చిహ్నము కలవాడు

మహాధాతుః = గొప్ప శరీర ధాతువు యొక్క బలము కలవాడు

అనేకసానుచరః = అనేకమైన కొండ చరియలందు సంచరించువాడు

చలః = సంచలనము కలవాడు

ఆవేదనీయః = తెలిసికొనదగినవాడు

ఆవేశః = తీవ్రత కలవాడు

సర్వగంధ సుఖావహః = సమస్త సుగంధముల యొక్క సుఖమును కలిగినవాడు.

శ్లోకము 88

తోరణః = ప్రపంచమునకు ముఖద్వారము వంటివాడు

తారణః = తరింపజేయువాడు

వాతః = వాయువు రూపమైనవాడు

పరిధీపతి ఖేచరః = సరిహద్దులను రక్షించు దేవతలకు అధిపతి

సంయోగః = స్త్రీ పురుష సంయోగమే తానైనవాడు

వర్ధనః = వృద్ధిచేయువాడు

వృద్ధః = పెద్దవాడు

అతివృద్ధః = మిక్కిలి పెద్దవాడు

గుణాధికః = మంచి గుణములచేత అధికుడు.

శ్లోకము 89

నిత్యః = ఎల్లకాలములయందు

ఆత్మా = అందరి ఆత్మల రూపము తానే అయినవాడు

సహాయః = సహాయముగా ఉండువాడు

దేవాసురపతిః = దేవతలకు, రాక్షసులకు అధిపతి అయినవాడు

పతిః = సమస్తమునకు అధిపతి అయినవాడు

యుక్తః = తగినవాడు

యుక్తబాహుః = సరియైన బాహువులు కలవాడు

దేవః = దేవుడైనవాడు

దివి సుపర్వణః = స్వర్గమునందలి దేవతలలోని వాడు

శ్లోకము 90

ఆషాఢః = అన్నిటిని సహించు శక్తిని భక్తులకు ప్రసాదించువాడు

సుషాఢః = గొప్ప సహనశీలుడు

ధ్రువః = ధ్రువ నక్షత్రము తానైనవాడు

హరిణః లేడి యొక్క రూపము తానైనవాడు

హరః = సమస్తమును హరించువాడు

ఆవర్తమానేభ్యః = పునర్జన్మ మెత్తువారికి

వపుః = శరీర రూపము తానే అయినవాడు

వసుశ్రేష్ఠః = అష్ట వసువులలో శ్రేష్ఠుడైనవాడు

మహాపథః = గొప్పదైన మార్గము తానే అయినవాడు.

శ్లోకము 91

శిరోహారీ = (దక్షుని) శిరస్సును ఖండించినవాడు

సర్వలక్షణ లక్షితః = సమస్తమైన మంచి లక్షణముల చేత గుర్తింపబడినవాడు

అక్షః = సృష్టి చక్రమునకు ఇరుసు వంటివాడు

రథయోగీ = రథమును కూర్చువాడు

సర్వయోగీ = సమస్తమును సమకూర్చువాడు

మహాబలః = గొప్ప బలము కలవాడు.

శ్లోకము 92

సమామ్నాయః = వేదముతో సమానమైనవాడు

అసమామ్నాయః = వేదములకు అతీతుడు

సీరదేవః = భూమిని పంటలు పండుటకు అనువుగా చేయువాడు

మహారథః = రథకులలో గొప్పవాడు

నిర్జీవః = నిర్జీవమైన వస్తువుల ఆకారము తానైనవాడు

జీవనః = ఉత్తమ జీవనము కలవాడు

మంత్రః = మంత్ర స్వరూపుడు

శుభాక్షః = శుభమైన దృష్టి కలవాడు

బహు కర్కశః = మిక్కిలి కఠినమైనవాడు.

శ్లోకము 93

రత్నప్రభూతః = రత్నములను సృష్టించినవాడు

రక్తాంగః = ఎఱుపు రంగు శరీరము కలవాడు

మహార్ణవ నిపానవిత్ = గొప్పదైన సముద్రపు నీటిని త్రాగుటలో నేర్పరి

మూలం = సృష్టికి మూలమైనవాడు

విశాలః = అతి విస్తారమైనవాడు

అమృతః = అమృత స్వరూపము తానైనవాడు

వ్యక్తావ్యక్తః = కనిపించి, కనిపించనివాడు

తపోనిధిః = తపస్సుకు స్థానమైనవాడు

శ్లోకము 94

ఆరోహణః = ఉన్నతస్థితికి పోవువాడు

అధిరోహః = ఆరోహించిన వాడు

శీలధారీ = సత్ప్రవర్తన కలిగినవాడు

మహాయశాః = గొప్ప కీర్తి కలవాడు

సేనాకల్పః = సేనను సృష్టి చేయువాడు

మహాకల్పః = గొప్పదైన సృష్టి చేసినవాడు

యోగః = యోగము తానైనవాడు

యోగకరః = యోగమును సృష్టించినవాడు

హరిః = విష్ణువు తానైనవాడు.

శ్లోకము 95

యుగరూపః = యుగముల రూపము తానైనవాడు

మహారూపః = గొప్పదైన ఆకారము కలవాడు

మహానాగహనః = గొప్పవాడైన గజాసురుని చంపినవాడు

అవధః = వధింపబడనివాడు

న్యాయ నిర్వహణః = న్యాయమును నిర్వహించువాడు

పాదః = పూజ్యుడు

పండితః = పండితుడు

అచలోపమః = పర్వతముతో సమానుడు.

శ్లోకము 96

బహుమాలః = అనేకమైన మాలలు ధరించినవాడు

మహామాలః = గొప్పవైన మాలలు కలవాడు

శశీ = చంద్రుడు తానైనవాడు

హరిసులోచనః = మంచి నేత్రములు కలవాడు

విస్తారః = మిక్కిలి వ్యాపించినవాడు

లవణః = ఉప్పు తానైనవాడు

కూపః = నూయి తానైనవాడు

త్రియుగః = గడిచిన మూడు యుగములు తానైనవాడు

సఫలోదయః = సిద్ధించిన ఫలముతో కూడియున్నవాడు.

శ్లోకము 97

త్రినేత్రః = మూడు కన్నులు కలవాడు

విషణ్ణాంగః = సర్వదా నిరాకారుడు

మణివిద్ధః = మణుల చేత ప్రకాశించువాడు

జటాధరః = జడలను ధరించినవాడు

బిందుః = అనుస్వారము రూపము తానైనవాడు

విసర్గః = విసర్గ రూపము తానైనవాడు

సుముఖః = మంచి ముఖము కలవాడు

శరః = బాణరూపము తానైనవాడు

సర్వాయుధః = సమస్తమైన ఆయుధముల రూపము తానైనవాడు

సహః = సహనము కలవాడు.

శ్లోకము 98

నివేదనః = అన్నిటిని ఇచ్చువాడు

సుఖాజాతః = సుఖములను కలుగజేయువాడు

సుగంధారః = మంచి సంగీత జ్ఞానం కలిగినవాడు

మహాధనుః = గొప్పదైన ధనుస్సు కలవాడు

గంధపాలీ = మంచి సువాసనను కలుగజేయువాడు

భగవాన్ = భగవంతుడు

సర్వకర్మణామ్ = సమస్త కర్మలకు

ఉత్థానః = ఫలశ్రుతి కలుగజేయువాడు.

శ్లోకము 99

మంథానః = సమస్త సృష్ఠిని మధించువాడు

బహుళః = సమస్తమందు ఉన్నవాడు

వాయుః = వాయు రూపమై ఉన్నవాడు

సకలః = సమస్తమైన వాడు

సర్వలోచనః సమస్తమైన కన్నులు కలవాడు

తలః = సమర్థత కలిగినవాడు

తాలః సంగీతము నందు తాళరూపము తానైనవాడు

కరస్థాలీ = చేతియందు పాత్ర కలవాడు

ఊర్ధ్వ సంవహనః = పైకి తీసుకొని పోవువాడు

మహాన్ = గొప్పవాడు.

శ్లోకము 100

ఛత్రం = సృష్టి కంతటికి గొడుగు వంటివాడు

సుచ్ఛత్ర విఖ్యాతః = మంచి ఛత్రముతో ప్రసిద్ధి చెందినవాడు

లోకః = లోకము తానే అయినవాడు

సర్వాశ్రయక్రమః = సమస్తమునకు తానే ఆశ్రయింపదగిన వరుసలో ఉన్నవాడు

ముండః = క్షురకర్మచే తలవెంట్రుకలు తీయబడినవాడు

విరూపః = వికారమైన స్వరూపము కలవాడు

వికృతః = వికృతమైన రూపము కలవాడు

దండీ = దండము కలవాడు

కుండీ = పాత్ర కలిగియున్నవాడు

వికుర్వణః = వికృతముగా చేయువాడు.