రాష్ట్రవ్యాప్తంగా దిశా పోలీస్‌స్టేషన్లను తీసుకొచ్చామన్నారు. దిశా బిల్లును శాసనసభలో ఆమోదించి కేంద్రానికి పంపామన్నారు. మహిళలకు అత్యధిక ప్రాధాన్యత ఇస్తున్న రాష్ట్రం ఆంధ్రప్రదేశ్‌ అని కొనియాడారు. అలాగే పోలీసు శాఖకు ఉన్న బకాయిలను వెంటనే చెల్లిస్తామన్నారు.

డీజీపీ గౌతమ్ సవాంగ్‌ మాట్లాడుతూ.. విధి నిర్వహణలో వీరమరణం పొందిన పోలీసులు ఎంతోమందికి ఆదర్శంగా నిలిచారన్నారు. కరోనా సమయంలో కుటుంబాలకు దూరంగా ఉండి పోలీసులు విధులు నిర్వహించారని.. కరోనాతో మృతిచెందిన పోలీసులకు సీఎం రూ.50లక్షలు ప్రకటించారని.. పోలీసులకు వీక్లీ ఆఫ్‌, హోంగార్డుల జీతాల పెంపులాంటి అనేక కీలక నిర్ణయాలు తీసుకున్నారన్నారు. టెక్నాలజీ ఉపయోగించడంలో ఏపీకి 27 జాతీయ స్థాయి అవార్డులు వచ్చాయని.. సవాళ్లు ఎదుర్కోవడానికి పోలీసులు ఎప్పుడూ సిద్ధంగా ఉంటారని తెలిపారు.